Taškiencki haradski sud pa kryminalnych spravach prysudziŭ starejšuju dačku pieršaha prezidenta Uźbiekistana Isłama Karymava Hulnaru, jakaja ŭžo adbyvaje termin pa papiarednim prysudzie, da 13 hadoŭ i čatyroch miesiacaŭ pazbaŭleńnia voli. Pra heta paviedamiła ŭ sieradu pres-słužba Viarchoŭnaha suda Respubliki, piša TASS.
«Sud (…) pryznaŭ H. Karymavu vinavataj u arhanizacyi złačynnaj hrupy, vymahalnictvie, kradziažy šlacham prysvajeńnia i rastraty, lehalizacyi dachodaŭ, atrymanych ad złačynnaj dziejnaści i inšych złačynstvaŭ. Prysudam suda H. Karymavaj pryznačana pakarańnie ŭ vyhladzie 13 hadoŭ i čatyroch miesiacaŭ pazbaŭleńnia voli», — havorycca ŭ paviedamleńni. U Viarchoŭnym sudzie ŭdakładnili, što ŭ adpaviednaści z sukupnaściu pakarańniaŭ pa niekalkich prysudach hety termin budzie adličacca z 21 žniŭnia 2015 hoda.
Hulnara Karymava ŭ śniežni 2017 hoda za vymahalnictva, niavypłatu padatkaŭ i inšyja złačynstvy była asudžanaja na 10 hadoŭ pazbaŭleńnia voli, z pačatku 2019 hoda jana adbyvaje pakarańnie ŭ adnoj z kałonij ahulnaha režymu ŭ Taškienckaj vobłaści.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary