U internecie źbirajuć hrošy na vydańnie novaha padletkavaha fentezi pa-biełarusku
«Kniha Zdolnych» Śviatłany Aŭdziejčyk — heta pieršaja častka fentezi-tryłohii «Naśledniki Sakruma».
Vychad knihi zapłanavany ŭ vydaviectvie «Halijafy» u sakaviku 2020 hoda. Achviaravać na vydańnie možna tut.
Što ŭ knizie? Siužet pieranosić nas u Łarbor — izalavanuju dziaržavu, hramadstva jakoj padzielena na dva kłasy. Zdolnyja i biezdary isnujuć va ŭmovach uzajemnaj varožaści.
Niekali asnoŭnym nasielnictvam krainy byli zdolnyja, ale zaraz jany — mienšaść, pazbaŭlenaja častki svaich pravoŭ.
Čamu ich ličać za zdolnych? U kožnaha ź ich jość nadzvyčajnaja zdolnaść — dzien: niechta musić upłyvać na ŭłaścivaści vady, niechta zdolny padparadkavać sabie ahoń, inšy — telepat… Kožnaje adoranaje dzienam dzicia — kandydat na navučańnie ŭ adnoj ź dźviuch škoł, jakija majuć simvaličnyja nazvy Akviła i Sierpienta.
Roj, navučeniec Akviły, atrymaŭšy zvyčajny na pieršy pohlad kamień, stanovicca haspadarom cmoka i ŭdzielnikam padziej, jakija viaduć jaho da razhadki hałoŭnaj tajamnicy Łarbora — pradkazańnia pra Sakrum…
«Kniha Zdolnych» uvajšła ŭ paŭfinał mižnarodnaha konkursu «Novaja dziciačaja kniha - 5» u naminacyi «Fentezi. Fantastyka. Pryhody».
Kamientary