36-hadovy niepracujučy babrujčanin Alaksandr Asipovič prysudžany da pakarańnia śmierciu za zabojstva dźviuch dziaŭčat z asablivaj žorstkaściu. 20 lipienia 2018 hoda ŭ vannaj jaho kvatery znajšli ich cieły sa śladami hvałtoŭnaj śmierci, piša Tut.by.
Z zahinułymi abvinavačvany paznajomiŭsia ŭ kafe, adkul usio troje źjechali na taksi da jaho dadomu. Pavodle abvinavačańnia, padsudny nanios adnoj achviary 77 udaraŭ małatkom i rukami ŭ žyćciova važnyja orhany. U druhoj achviary — 16 ran, amal usie — u vobłaść hałavy i šyi. Paśla Asipovič «pryniaŭ miery da rasčlanieńnia i chavańnia trupaŭ».
U svaim apošnim słovie Alaksandr Asipovič skazaŭ, što całkam ŭśviedamlaje toje, što adbyłosia.
— Što mahło mianie spravakavać na takija dziejańni, ja nie viedaju. Sam ja čałaviek dobry i sientymientalny … U zroblenym raskajvajusia i va ŭsich prašu prabačeńnia. Prašu sud dać mnie mahčymaść zachavać žyćcio, pracavać i vypłačvać hrošy siemjam zahinuŭšych.
Sud prysudziŭ Alaksandra Asipoviča da pakarańnia śmierciu za zabojstva dźviuch dziaŭčat z asablivaj žorstkaściu, a taksama abaviazaŭ spahnać ź jaho bolš za 100 tysiač rubloŭ na karyść siemjaŭ paciarpiełych.
Prysud u zakonnuju siłu nie ŭstupiŭ i moža być abskardžany. Alaksandr Asipovič užo zajaviŭ, što budzie abskardžvać prysud.
U 2018 hodzie ŭ Biełarusi pakarali śmierciu čatyroch čałaviek: nieadnarazova sudzimaha žychara Naroŭli Alaksieja Michaleniu, jaki ŭ sakaviku 2016 hoda ździejśniŭ zabojstva susiedziaŭ-piensijanieraŭ; Viktara Lotava, jaki ŭ 2017 hodzie byŭ pryznany vinavatym u zabojstvie sukamiernika ŭ papraŭčaj kałonii ŭ Hłybokim, a taksama dvuch fihurantaŭ spravy «čornych ryełtaraŭ» Siamiona Bieražnoha i Ihara Hieršankova.
Pavodle źviestak pravaabaroncaŭ, ciapier u kamiery śmiarotnikaŭ zastajucca pryznanyja vinavatymi ŭ zabojstvie troch čałaviek Alaksandr Žylnikaŭ i Viačasłaŭ Sucharka.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary