Treci minski A-Fest sabraŭ bolš za sto tysiač čałaviek FOTY

Bolš za sotniu tysiač naviedvalnikaŭ, Safi Elis-Bekstar u chedłajnierach, stryt-fudkort i adkrytaja piŭnaja kuchnia A-Kitchen. Hrandyjoznaje śviata stała padarunkam minčanam ad brenda «Alivaryja» ŭ honar nadychodziačaha dnia naradžeńnia zasnavalnika pivavarnaj kampanii i byłoha mera stalicy Karala Jana Čapskaha.

Pavialičyć

Jeŭrapiejskimi chedłajnierami A-Fest sioleta stali ŭdzielnik francuzskaha chaus-pop dueta Jan Destal, jaki zapaliŭ šmattysiačny natoŭp minčukoŭ svaim chitom «Lady (Hear Me Tonight)», i śpiavačka ź Vialikabrytanii Safi Elis-Bekstar. Na A-Fest hałoŭny chit Safi «Heartbreak (Make Me a Dancer)» minčanie śpiavali šmattysiačnym choram.

Pavialičyć

Pieršyja hości ŭ Łošyckim parku źjavilisia z samaj ranicy, kali i startavała prahrama jeŭrapiejskaha fiestyvalu. Na hałoŭnuju scenu adzin za adnym vychodzili biełaruskija muzyki Tanin Jazz, Bez Not, Mustelide,: B: N i Akute. A da 18.30, kali źjaviŭsia biełaruski chedłajnier fiestyvalu — hurt «Bieź Bileta» — usia terytoryja pierad scenaj była ŭžo zapoŭnienaja.

«Hetym letam my pastaralisia zrabić A-Fest jašče bolš hrandyjoznym, smačnym i z muzyčnaha boku, i pry hetym paradavać haściej nie tolki kolkaściu zabaŭ, ale i ich jakaściu, — kamientuje Taras Macypura, namieśnik hienieralnaha dyrektara pa markietynhu pivavarnaj kampanii «Alivaryja» i arhanizatar A-Fest. — Vialikaja dziciačaja zona, udaskanalenaja navihacyja, łajn-ap, fudkort z vuličnaj ježaj i 30 zabaŭlalnych zon biełarusy sapraŭdy acanili. My zastalisia vielmi zadavolenyja i zamatyvavanyja, kab A-Fest staŭ tradycyjnym śviatam jeŭrapiejskaha ŭzroŭniu dla Minska».

Pavialičyć

Ciaham dnia A-Fest naviedali tysiačy minčan, jakija prychodzili parami, kampanijami siabroŭ i cełymi siemjami. Sioleta na fiestyvali ŭpieršyniu źjaviłasia dziciačaja zona. Tut maleńkija biełarusy pravodzili čas na hulniavoj palanie, budavali zavod z kanstruktara i rasfarboŭvali pano vyšynioj z čałavieka.

Pa ŭsioj terytoryi Łošyckaha parku prachodziŭ kvest z 30 zabaŭ. Hości A-Fest udzielničali ŭ «skačkach», praviarali svaje viedy biełaruskaj movy, hulali ŭ futboł, spaborničali ŭ «Kryžyki-nuliki», dzie zamiest zvykłych X i 0 byli «Alivaryja Dziasiatka» i «Załatoje». Paśla aktyŭnych etapaŭ kvesta hości rassłablalisia za hulnioj u «Mazhabojniu», damino, kości i inšyja intelektualnyja zabavy.

Pavialičyć

Hałoŭnym punktam pryciahnieńnia dla ŭsich amataraŭ vuličnaj ježy stała A-Kitchen — pieršaja adkrytaja piŭnaja kuchnia ŭ krainie. Tut pad kiraŭnictvam kiraŭnika Hildyi šef-kucharaŭ Biełarusi Alaksandra Čykileŭskaha i hałoŭnaha fudchantara krainy Koko.by razharnulisia sapraŭdnyja kulinarnyja batalii. Hości fiestyvalu na chutkaść hatavali šaŭrmu, jeli chot-dohi i z zapluščanymi vačami testavali stryt-fud. Chitom viečara stali burhiery z katletaj z byčynych jajek. Padsiłkavacca tradycyjnymi nahietsami, picaj, načasam, syrnymi pałačkami i inšym stryt-fudam razam ź pivam «Alivaryja» hości mahli za prahladam vystupu artystaŭ prosta na fudkorcie. Tranślacyju z hałoŭnaj sceny pakazvali na ekranie vyšynioj amal u dva pavierchi panelnaha doma.

Sioleta na A-Fest hości ŭpieršyniu mahli zamović ježu i piva «Alivaryja» z fudkorta naŭprost na svoj piknik na dyvanku pierad hałoŭnaj scenaj. Aficyjanty dastaŭlali jaje na praciahu 10 chvilin.

Pa kolkaści naviedvalnikaŭ, vypitaha piva i fota ŭ instahramie fiestyval u Łošyckim parku paŭtaryŭ ułasny rekord minułaha hoda i zamacavaŭ za saboj zvańnie hałoŭnaha biaspłatnaha staličnaha festu, dzie na pryrodzie moh adpačyć uvieś Minsk.

• 0
• 0
• 0
• 0
• 0
• 0
• 0
• 0