Biełaruskich tataŭ zaprašajuć pazmahacca za italjanskaha «repietytara» pa futbole dla dziaciej
10 lipienia a 16:00 u Minsku projdzie futbolny turnir, na jaki zaprašajuć kamandy ŭsiaho z dvuch čałaviek — dzicia i tata. Niezvyčajnym składam buduć hulać u panu — modnuju raznavidnaść vuličnaha futboła, dzie rolu pola vykonvaje rynh 4,2x2,2 mietra, zamiest bramy — nohi supiernika, a imklivy matč zajmaje krychu bolš za 5 chvilin.
Pieramožca Lihi Sporcika atrymaje ŭ «repietytary» italjanca Roka Fijamieła, treniera moładzievaj kamandy «Pramienia», ź jakim dzicia zmoža biaspłatna zajmacca na praciahu troch miesiacaŭ, i zapas dziciačaj vady «Śviataja krynica. Sporcik» («Śviatoj istočnik. Sportik») dla karysnych trenirovak.
Rehistracyja na turnir zakryjecca 10 lipienia ŭ 14:00 — za dźvie hadziny da startu. U dziciačuju fun-zonu «Sporcik», dzie i adbudziecca hulnia, zaprašajuć usich, chto chacieŭ by pryščapić svaim dzieciam zdarovuju zvyčku pić čystuju vadu i zajmacca sportam.
Praviły siamiejnaj pany arhanizatary rastłumačać na miescy, ale zapeŭnivajuć, što šancy na pieramohu roŭnyja va ŭsich tandemaŭ, niachaj heta budzie «tata i syn» ci «tata i dačka», a abmiežavańniem źjaŭlajecca tolki ŭzrost udzielnikaŭ: na hulniu čakajuć dziaciej ad 5 da 12 hadoŭ. Sačyć za hulnioj i jaje praviłami budzie Mikałaj Chadasievič, spartovy kamientatar telekanała «Biełaruś-1» i Pavieł Cahielnikaŭ, pryzior čempijanatu Biełarusi pa futbolnym frystajle.
Pačniecca turnir u 16:00 i adrazu z… sieryi pienalci, paśla čaho 8 najmacniejšych par projduć u płej-of, dzie buduć zmahacca za Kubak Lihi Sporcika i futbolnyja kursy ź italjancam Roka Fijamieła.
Eks-trenier junackaha «Dynama-Minsk» ciapier adkazvaje za padrychtoŭku maładych spartsmienaŭ u FK «Pramień» i rychtuje da zapusku pieršuju ŭ Biełarusi škołu, dzie hulni ŭ futboł navučajuć pa indyvidualnaj prahramie dla kožnaha spartsmiena, praktyčna adzin na adzin z trenieram. Juny pieramožca stanie pieršym, chto trapić na stažyroŭku da Fijamieła i na praciahu troch miesiacaŭ budzie adtočvać udary i pieradačy pa italjanskich mietodykach.
«Luboŭ da sportu, jak i lubyja karysnyja zvyčki, pavinny pryščaplacca baćkami svaim dzieciam z rańniaha ŭzrostu, — raspaviadaje Dzianis Krupiec, pradstaŭnik brenda «Śviatoj istočnik. Sportik» i arhanizatar pieršaj dziciačaj fun-zony. — Dzieci našmat bolš aktyŭnyja, čym darosłyja, i strata navat 2% vady adbivajecca na ich samaadčuvańni. «Śviataja krynica. Sporcik» sumiesnaj hulnioj u futboł dapamahaje baćkam stać prykładam dla małych i ŭ interaktyŭnaj formie pakazać važnaść zaniatkaŭ sportam i zachavańnia režymu pićcia».
Dla taho, kab paśla treniroŭki ŭsie ŭdzielniki mahli adnavić siły, u fun-zonie adkryty spartyŭny «bar», dzie zamiest sałodkich napojaŭ padajuć čystuju vadu «Śviataja krynica. Sporcik», a vodnyja «barmeny» mohuć raźličyć režym pravilnaha pićcia ŭ zaležnaści ad vahi, rostu i fizičnaj padrychtoŭki.
Dałučycca da siamiejnaha futbołu 10 lipienia zmohuć i tyja, chto ŭ hety dzień prosta špacyruje pa parku ź dziećmi — ich zaprašajuć na treniroŭku biełaruskija futbalisty-taty. Spartsmieny pryjduć na fun-zonu «Sporcik» sa svaimi dziećmi, kab pakazać baćkam bazavyja pryjomy dla samastojnych trenirovak ź dziciem.
Fun-zona «Sporcik» adkryta ŭ parku Pieramohi štodnia z 16:00 da 20:00 da 15 lipienia ŭklučna, kali i adbudziecca vyrašalny matč mundyjalu.
Kamientary