Klintan ci Tramp: rasijskaja prapahanda taksama kinuła ŭsie siły

Ja pabyvaŭ na doŭhich vychadnych u rodavaj vioscy pad Brestam. Pieršaje, što ja pačuŭ ad 87-hadovaj susiedki, było: «Takaja paskudnaja taja Klintan, a jaje ciahnuć u prezidenty».

Ciotka Viera hladzić rasijskija telekanały. Nikoli ad časoŭ Rejhana rasijskija ŚMI nie schilalisia tak vyrazna na bok adnaho z amierykanskich kandydataŭ.

Vyraznaja padtrymka Trampa pucinskimi ŚMI stała dadatkovaj pryčynaj dla tryvohi adnosna jahonaj kandydatury ŭ krainach Centralnaj i Uschodniaj Jeŭropy. Ekśpierty nie viedajuć, čaho čakać ad miljardera, jaki ŭ svaich vystupach nie raz vykazvaŭsia pra ŭschod Jeŭropy jak pra śfieru zakonnych intaresaŭ Rasii.

Pavodle vynikaŭ sacyjałahičnych apytańniaŭ, Chiłary Klintan u cełym pa ZŠA pa papularnaści apiaredžvaje Trampa na 4—5%. Adnak heta nie harantuje joj pieramohi.

Pavialičyć

Reč u tym, što sistema vybaraŭ prezidenta ŭ ZŠA adroźnivajecca ad sistemy vybaraŭ skažam, u Francyi. Jana ŭ svoj čas była prydumanaja dla ŭmacavańnia fiederatyŭnaj sistemy, kab nie ŭźnikła daminacyi vialikich štataŭ nad małymi. Tamu prezidenta abirajuć nie pramym hałasavańniem, a praz kalehiju vybarščykaŭ.

Kožny štat vybiraje peŭnuju kolkaść vybarščykaŭ. Samy hustanasieleny — Kalifornija — pasyłaje ich 55. Samyja małanasielenyja — pa 3. Takim čynam, małyja štaty pasyłajuć na dušu nasielnictva trochi bolš delehataŭ, čym vialikija.

Akramia taho, u siłu tradycyi bolšaść štataŭ pasyłajuć vybarščykaŭ pa pryncypie «winner takes all» — h.zn. usie vybarščyki ad dadzienaha štata hałasujuć za taho kandydata, jaki nabraŭ u im bolšaść hałasoŭ.

Źmiena ŭsieahulnych rejtynhaŭ Klintan i Trampa na sioletnich vybarach značyć nie tak šmat, jak ich papularnaść u dziasiatku «niavyznačanych štataŭ».

Kalifornija masava hałasuje za demakrataŭ, i nie maje vialikaha značeńnia, atrymaje tam Klintan 60 ci 65%. Hetaksama Techas hałasuje za respublikancaŭ, i nie tak važna, atrymaje tam Tramp 51 ci 52%. U kožnym razie ŭsie vybarščyki ad Kalifornii pajeduć za Klintan, a ŭsie ad Techasa — za miljardera.

A voś Fłaryda, Paŭnočnaja Karalina i niekalki mienšych štataŭ, jak Ńju-Hiempšyr, vyrašyć los vybaraŭ.

Pavialičyć

Dyk voś, Piensilvanija i Virdžynija schilajucca da Klintan. U Fłarydzie, Ahajo, Paŭnočnaj Karalinie i Aryzonie Klintan lidziravała, a ciapier Tramp abo zdahnaŭ jaje, abo vyrvaŭsia napierad. 

Kandydaty ad inšych partyj i samavyłučency? Na hetych vybarach tolki adzin štat moža addać pieravahu takomu. Heta Juta, jaki najčaściej hałasuje za respublikancaŭ, ale kansiervatyŭnyja marmony ŭ jakim hetym razam nie ŭ zachapleńni ad ekscentryčnaha Trampa.

Amierykanskija analityki kažuć, što na hety raz pieramoha zaležyć ad masavaści jaŭki. Kali na ŭčastki pryjdzie šmat vybarcaŭ-žančyn, afraamierykancaŭ i ispanskamoŭnych, to pieramoža Klintan. Kali nie, to Tramp, jaki abapirajecca na padtrymku biełych mužčyn.

Vyniki vybary stanuć viadomyja ŭnačy z aŭtorka na sieradu pa biełaruskim časie.

• 0
• 0
• 0
• 0
• 0
• 0
• 0
• 0