Pad pietycyjaj z prośbaj zvolnić Lusiu Łuščyk z ANT sabrali 40 tysiač podpisaŭ
Pad pietycyjaj da kiraŭnictva telekanała ANT z prośbaj zvolnić televiadučuju Lusiu Łuščyk na sajcie Change.org sabrana amal 41 tysiača podpisaŭ.
«Toj, chto tak biescyrymonna abychodzicca z matčynymi pačućciami i pačućciami dziciaci, nie maje prava źjaŭlacca na ekranach televizaraŭ. Ryhor Leanidavič Kisiel, zvolnicie Lucyju Łuščyk! Jana — heta imidž vašaha kanała!» — havorycca ŭ vielmi emacyjnaj pietycyi.
Pietycyi na Change.org nie majuć jurydyčnaha značeńnia. Kiraŭnictva dziaržaŭnych orhanaŭ nie abaviazana reahavać ci adkazvać na ich.
Nahadajem, što telezorka kanała ANT stała fihurantkaj skandału. Razam sa svaim novym mužam, biznesoŭcam Andrejem Hieraščankam, jana zmahajecca za jahonuju dačku.
Jak śćviardžaje mama hetaj dziaŭčynki, Iłona Hieraščanka, jaje abmiažoŭvajuć u mahčymaściach bačycca z dačkoj. Bolš za toje, Łuščyk sprabavała dyskredytavać Iłonu ŭ prysutnaści dziaŭčynki.
Zrešty, hladzicie sami na videa.
45-hadovy Andrej Hieraščanka — biznesoviec, ułaśnik spartovaha kłuba Sporting club i kampanii-imparciorki bytavoj chimii i kaśmietyki. U minułym jon byŭ spartoŭcam, udzielnikam Alimpijady ŭ Piekinie pa stralbie.
35-hadovaja Lusia Łuščyk — śvieckaja lvica, televiadoŭca roznych prahram ANT.
34-hadovaja Iłona Hieraščanka — zasnavalnica kłuba rańniaha dziciačaha raźvićcia Global Child — pieršaha takoha ŭ Minsku anhłamoŭnaha.
Varta adznačyć, što sud Centralnaha rajona Minska admoviŭ Iłonie Hieraščanka ŭ pazovie ab abaronie honaru i hodnaści da telezorki, viadomaj pad psieŭdanimam «Lucyja Łuščyk» (u cyvilnym žyćci Lucyja Hieraščanka).
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary