26 studzienia ŭ Maskvie ŭ Vyšejšaj škole ekanomiki prachodzić mižnarodnaja kanferencyja «BiełaRuski dyjaloh» z udziełam biełaruskich apazycyjnych palitykaŭ.
Na kanferencyju zaprošanyja biełaruskija palityki: lider kampanii «Havary praŭdu» Taciana Karatkievič, staršynia «Našaha doma» Volha Karač, kiraŭnik Biełaruskaj partyi levych «Spraviadlivy śviet» Siarhiej Kalakin, staršynia Biełaruskaha kanhresu demakratyčnych prafsajuzaŭ Alaksandar Jarašuk, ekanamisty Jarasłaŭ Ramančuk, Leanid Złotnikaŭ, praŭładny ideolah Leŭ Kryštapovič.
Z rasiejskaha boku ŭ kanferencyi biaruć udzieł biełarusist z MDU Bahdan Biaspalka, supracoŭnik Instytutu krain SND Jury Barančyk.
Na kanferencyi vystupiła Taciana Karatkievič. U Fejsbuku źjaviłasia cytata z vystupu spadaryni Karatkievič:
«My ličym, što Biełaruś źjaŭlajecca vajennym i palityčnym partneram Rasiei. Ale našy adnosiny pavinny budavacca na padmurku ŭzajemnaj pavahi. Raduje toje, što takaja pavaha z boku Rasiei jość».
Adrazu ž pad hetym pastom u fejsbuku źjavilisia davoli rezkija kamentary na adras Taciany Karatkievič.
Svaboda pasprabavała daviedacca ź pieršych vusnaŭ, što mieła na ŭvazie vystupoŭca. U kamentary dla Svabody Taciana Karatkievič udakładniła:
«Heta było plenarnaje pasiedžańnie, na jakim ja vystupiła. Ja kazała pra toje, što našy ŭzajemnyja adnosiny z Rasiejaj pavinny budavacca na pryncypach davieru i pavahi. I padkreśliła, što mienavita hetaha siońnia nie chapaje. A ŭ cytacie, jakaja vystaŭlena ŭ fejsbuku, spałučanyja dźvie tezy. Ja taksama skazała, što našy adnosiny, naša źniešniaja palityka siońnia nie pieradvyznačalnyja, choć i budujucca na ahulnaj historyi, aktualnych ekanamičnych znosinach. I padkreśliła, što mocnym padmurkam budzie pavaha. A pavaha pavinna vyražacca ŭ tym, što Rasieja pryznaJe našu niezaležnaść i našy asabistyja nacyjanalnyja intaresy. Ja taksama padkreślivała, što našy ŭzajemnyja adnosiny pavinny budavacca na raŭnapraŭnaj asnovie.
Ja skazała, što dokazam pavahi źjaŭlajecca publičnaje pryznańnie niezaležnaści i suverenitetu našaj krainy i taho, što ŭ nas jość svaje intaresy. Moj vystup jakraz byŭ pra toje, što nie chapaje pavahi. A mianie interpretavali niedakładna».
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary