На справаздачна-выбарнай канфэрэнцыі Партыі БНФ 6 сакавіка будзе абраны новы старшыня Менскай абласной арганізацыі. Прэтэндуе на гэтую пасаду Аляксей Казлоўскі, зь якім пагутарыў карэспандэнт «НН».
— Чаму Вы вырашылі вылучыць сваю кандыдатуру на гэтую пасаду ў такі цяжкі для палітычнае дзейнасьці час?
— У партыі ёсьць людзі, якія дзейнічаюць ужо шмат гадоў, і яны стаміліся. Думаю, што мне ўдасца прыўнесьці новую энэргію.
— У чым будзе заключацца дзейнасьць?
— Па-першае, я хацеў бы прыцягнуць у партыю новых людзей. Па-другое, хачу заняцца навучаньнем партыйных актывістаў. У людзей ёсьць добры досьвед удзелу ў кампаніях, але няма досьведу партыйнага будаўніцтва. Трэці момант зьвязаны зь перарэгістрацыяй партыйных структур. Потым, калі ўся гэтая шуміха сьціхне, усё адно трэба будзе аднаўляць партыйныя суполкі, бо афіцыйная рэгістрацыя дае шмат пераваг: гэта і магчымасьць вылучаць кандыдатаў у дэпутаты, і магчымасьць уваходзіць у камісіі…
Аркадзь Шанскі
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку
Каментары