Кітайская паліцыя расследуе выпадкі продажу фальшывых свіных вушэй у горадзе Гуанчжоу.
Спецыялісты кітайскай санітарнай службы высветлілі, што гэтыя «вушы» насамрэч былі зробленыя з жэлаціну і алеату натрыю, які выкарыстоўваецца для вырабу мыла.
Свіныя вушы для Кітая — як пельмені для Расіі: іх ужываюць у ежу па ўсёй краіне, існуе маса рэцэптаў іх прыгатавання. Падробку знайшлі на рынку сельгаспрадукцыі ў горадзе Ганьчжоу ў правінцыі Цзянсу, удакладняюць «Маскоўскія навіны».
Паводле яго дадзеных, 30 сакавіка пажылая жанчына купіла там 400 грамаў свіных вушэй па вельмі выгаднай цане — усяго за 24 юані (прыкладна 4 даляры) за кг, хоць звычайна яны каштуюць амаль удвая даражэй. Аднак яе сын Лю западозрыў нядобрае, калі пачаў гатаваць з іх далікатэсную страву — ад вушэй пайшоў агідны хімічны пах.
Лю падазроныя вушы есці не стаў і аднёс іх у мясцовыя органы кантролю, якія ў выніку выявілі падробку. Прадаўца «вушэй» затрымалі, аштрафавалі на 5 тысяч юаняў (каля 800 даляраў) і выпусцілі пад заклад.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары