Абноўлена, дадалося відэа і фота.
Ферэнц Контра: Паслоў Еўрасаюза не запрасілі на святкаванне 9 Мая
Мы таксама адкрытыя да дыялогу, — заявіў пасол. — Але пакуль у турмах застаюцца палітвязні, перамовы будуць насіць выключна тэхнічны характар.
Прадстаўнікі дыпкорпусу краін ЕС усклалі кветкі да Вечнага агню на плошчы Перамогі 10 мая.
10 мая ў Мінску на плошчы Перамогі паслы краін Еўрасаюза і ЗША ўсклалі кветкі да Вечнага агню. Пасля ўрачыстай часткі пасол Венгрыі, якая старшынюе ў ЕС, Ферэнц Контра патлумачыў журналістам, чаму ўскладанне кветак прайшло не 9 Мая.
«Нас не запрасілі. А мы на такія мерапрыемствы без запрашэння не ходзім». Па яго словах, у мінулую пятніцу паслы краін ЕС папярэдзілі МЗС Беларусі, што ўскладанне кветак прадстаўнікамі дыпкорпусу адбудзецца 10 мая. Перамога над фашызмам — агульналюдскае дасягненне, таму мы сёння тут ускладаем кветкі, патлумачыў Ферэнц Контра.
Контра выказаў здзіўленне з нагоды з’яўлення ў некаторых афіцыйных СМІ Беларусі трактовак няяўкі паслоў на плошчу Перамогі як ледзьве не сімпатыяў фашызму.
Пасол Ферэнц пракаментаваў таксама выказванні Аляксандра Лукашэнкі наконт адкрытасці Беларусі да дыялогу з Еўропай, зробленыя 9 Мая. «Мы таксама адкрытыя да дыялогу», — заявіў пасол. — Але
пакуль у турмах застаюцца палітвязні, перамовы будуць насіць выключна тэхнічны характар,падкрэсліў ён.
Відэа БелаПАН
Каментары