Больш за 80 сваякоў кіргіскіх грамадзянаў, якія загінулі 7 красавіка ў цэнтры Бішкеку, правялі акцыю пратэсту каля будынку амбасады Беларусі з патрабаваньнем выдачы былога прэзыдэнта Курманбека Бакіева, якога абвінавачваюць у масавых забойствах.
На будынку амбасады Беларусі вісіць аб’ява, што па тэхнічных прычыных яна не працуе. Ніхто з дыпляматаў да ўдзельнікаў акцыі ня выйшаў, перадае Інтэрфакс.
Сваякі загінулых павесілі на агароджу некалькі плякатаў з заклікам да кіраўніка Беларусі выдаць Кыргызстану Курманбека Бакіева. Таксама на плякатах напісана: «Бакіеў — забойца і кат», «Бакіеў, будзь мужчынай, лепш застрэлься!»
Курманбек Бакіеў знаходзіцца ў Беларусі ад 19 красавіка. 4 траўня кіраўніца часовага ўраду Кыргызстану Роза Атунбаева падпісала дэкрэт адносна пазбаўленьня яго прэзыдэнцкай недатыкальнасьці. У той жа дзень беларускі кіраўнік Аляксандар Лукашэнка сказаў, што не зьбіраецца выдаваць Бакіева новым кіргіскім уладам.
Новыя ўлады Кыргызстану абвінавачваюць былога прэзыдэнта Курманбека Бакіева ў забойствах і перавышэньні службовых паўнамоцтваў. Кіргіская Генпракуратура накіравала ў Менск запыт на яго экстрадыцыю.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары