У Гродне кур’ера тэлефонных махляроў затрымалі на выхадзе з дома пацярпелай
3 сакавіка 60-гадовай жыхарцы абласнога цэнтра пазванілі нібыта супрацоўнікі міліцыі.
Яны паведамілі, што яе сяброўка трапіла ў сур’ёзнае ДТЗ, за якое будзе прыцягнута да крымінальнай адказнасці, паведамляе абласная міліцыя.
Каб «дапамагчы» знаёмай, жанчыне прапанавалі перадаць усе грошы, якія ў яе ёсць.
Калі да яе пад’ехаў кур’ер, яна разгадала схему махлярства і, перш чым аддаць грошы, пазваніла ў міліцыю.
Да дома жанчыны неадкладна быў накіраваны бліжэйшы нарад праваахоўнікаў.
Кур’ера затрымалі на выхадзе з пад’езда! Пры ім было больш за 17 тысяч рублёў, якія ён паспрабаваў забраць у пацярпелай.
Гродзенскі міжраённы аддзел Следчага камітэта кваліфікаваў яго дзеянні па артыкуле «Махлярства, здзейсненае ў буйным памеры». За гэта яму пагражае да 7 гадоў пазбаўлення волі.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары