Мілінкевіч пра свае дыялогі з Макеем: Ён адназначна быў за незалежнасць і беларускасць
«Ён прапанаваў нерэальныя варыянты вырашэння супрацьстаяння ў Беларусі».
У новым выпуску ТОКу экс-кандыдат у прэзідэнты Аляксандр Мілінкевіч выказаў свае адносіны да былога кіраўніка адміністрацыі Лукашэнкі і міністра замежных спраў Уладзіміра Макея.
На пытанне, што палітык лічыць галоўнай памылкай Макея, Мілінкевіч адказаў:
«Ён прапанаваў нерэальныя варыянты вырашэння супрацьстаяння ў Беларусі. Як камуністаў нельга зрабіць дэмакратамі-еўрапейцамі, так і дыктатуру нельга зрабіць дэмакратычнай. (…) Макей верыў у тое, што можна неяк дыктатуру трохі лібералізаваць, калі менш страху будзе ва ўладзе. І дэмакраты павінны пайсці на пэўныя саступкі».
Мілінкевіч удакладняе, што Макей спрабаваў стварыць раду, якая «здымала б напружанасці, што ёсць паміж дыктатурай і дэмакратычнай супольнасцю».
Гэты праект палітык называе нерэальным. «Ёсць нерэфармуемыя рэчы. Да іх адносіцца Лукашэнка, яго дыктатура і камунізм».
Мілінкевіч падкрэслівае, што Лукашэнка — «чалавек, які ніколі не захоча і не зможа быць дэмакратам-еўрапейцам, ніколі не пойдзе на кампраміс, бо ён сілавы чалавек, гэта не яго стыль».
Па словах палітыка, для яго Макей застанецца ў гісторыі са знакам плюс. Мілінкевіч адзначае, што не раз сустракаўся з Макеем і бачыў, што «ён шчыра спрабаваў рабіць элементы беларусізацыі», «адназначна быў патрыётам».
Пры гэтым Мілінкевіч заўважае, што пра Макея нельга сказаць, што ён быў за еўрапейскі шлях развіцця.
«Ён, хутчэй, быў за мадэль Швейцарыі. Мяне пераконваў, што Швейцарыя для нас — самы найлепшы прыклад. Мы на разломе цывілізацый. Я таксама так думаю, але лічу, што нас праглынуць, калі мы не будзем адстойваць незалежнасць», — расказвае экс-кандыдат у прэзідэнты.
Згадваючы свае размовы з Макеем, Мілінкевіч адзначае, што яны былі шчырымі, а сам Макей з ім не гуляў.
«Мы часта з ім не пагаджаліся. Ён падтрымліваў шчыра Лукашэнку, лічыў, што гэта той чалавек, які можа на гэтым этапе адстаяць незалежнасць Беларусі. Яму і мне яна дарагая. Але мы абсалютна розныя. Ён у сістэме дыктатуры служыць».
Мілінкевіч адзначыў, што не саромеецца сваіх кантактаў з Макеем. Ён сам шукаў магчымасці сустрэцца з чыноўнікам і тлумачыць, навошта:
«Я спрабаваў знайсці спосаб, — які абсалютна неабходны, калі будзе адыходзіць дыктатура, — як выйграць краіну ў крывавай імперыі. Мы гэта зможам зрабіць, калі адбудзецца падзел наменклатуры».
Мілінкевіч нагадаў, што да дэмакратыі хутка прыйшлі тыя постсавецкія краіны, у якіх частка наменклатуры, якая была камуністычнай па поглядах і служыла «кепскім рэжымам», была за незалежнасць.
Па словах палітыка, Макей быў у той частцы, якая «была за незалежнасць, адназначна за беларускасць».
«Мне падавалася, што ён аўтарытэтны чалавек сярод тых людзей, якія прытрымліваюцца такіх жа поглядаў. Гэта значыць, не хочуць здацца Расіі. Гэтым для мяне былі важныя кантакты з ім», — адзначыў Аляксандр Мілінкевіч.
Глядзіце цалкам:
Макей распусціў кансультацыйную Раду пры Адміністрацыі, каб не ганьбіць яе сяброў
Мілінкевіч: Кепска, што Ціханоўская не разумела, чый Крым. Але яна прайшла эвалюцыю
«Разумны шукае сяброў, а дурны стварае ворагаў». Мілінкевіч — пра тое, як ставіцца да былых супрацоўнікаў сістэмы
«І перад Захадам, і перад намі паўстане маральны выбар: ці сядаць з дыктатурай за стол перамоў» — Мілінкевіч
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?3
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары