Расійскія войскі ўвайшлі ў сяло Уманскае на захад ад Аўдзееўкі і вывесілі там сцяг СССР
Пасля падзення Аўдзееўкі ўкраінскія войскі трымалі абарону на захад ад горада на лініі Бердычы — Сямёнаўка — Арлоўка — Тоненькае.
Да канца сакавіка УС РФ прарвалі гэтую лінію і прасунуліся на захад. УСУ занялі абарону ў наступных сёлах на захад, першае з якіх — Уманскае. Цяпер расейскія войскі ўвайшлі і ў яго. На помніку загінулым у Другой сусветнай вайне ўстанавілі чырвоны сцяг СССР з сярпом і молатам, паведамляе эксперт Bild Юліян Ропке.
«Расійскае войска ўварвання прарвала ўкраінскую лінію абароны на захад ад Арлоўкі і паставіла савецкі сцяг у цэнтры Уманскага. Паўднёвая і заходняя часткі вёскі, мяркуючы па ўсім, пакуль застаюцца пад кантролем украінскай арміі. Частка кадраў сведчыць аб разлютаваных атаках на ўкраінскія акопы на ўсход ад Уманскага і адыход украінскіх войскаў на захад па паўночным баку возера каля вёскі», піша Ропке.
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку3
Каментары