У Магілёве паставяць вертыкальную велапаркоўку. Як яна выглядае?
У Магілёве хутка з'явіцца незвычайная канструкцыя — вертыкальная велапаркоўка. Гэты аб'ект плануюць паставіць да афіцыйнага пачатку веласезона 27 красавіка каля гандлёвага цэнтра «Атрыум», паведамляе Mogilev.online.
Новая велапаркоўка, вырабленая прадпрыемствам «Магілёўліфтмаш», ўяўляе сабой вертыкальна ўсталяванае кола з прымацаванымі своеасаблівымі кабінкамі. На канструкцыі вышынёй чатыры метры змесціцца шэсць ровараў.
Збоку ад велапаркоўкі знаходзіцца ручны датчык руху, з дапамогай якога яна і запускаецца. Ровар трэба будзе паставіць на парковачнае месца і замацаваць рамянямі бяспекі.
Год таму, нагадвае выданне, у Магілёве ўсталявалі некалькі шасціпавярховых вертыкальных аўтапарковак. Да эстэтычнага выгляду гэтых парковак у многіх магілёўцаў узніклі пытанні, у сеціве было нямала абураных каментароў. Як будзе з веласіпеднай вертыкальнай паркоўкай, пакажа час.
Цяпер чытаюць
СК апублікаваў відэазапіс падзення беспілотніка. На абломках паказалі ўкраінскія надпісы14
СК апублікаваў відэазапіс падзення беспілотніка. На абломках паказалі ўкраінскія надпісы
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2222
Каментары