Пракуратура ў Расіі пасля даносу правярае кампанію Mars на фінансаванне УСУ
Раней актывіст Віталь Барадзін заяўляў, што кампанія зарабляе ў Расіі, але спансіруе Украіну і, магчыма, УСУ, «прыкрываючыся гуманітарнымі мэтамі».
«Цяпер пракуратура Падмаскоўя праводзіць праверку аб супрацьпраўнай дзейнасці ТАА «Марс», у прыватнасці, кампанію правяраюць на аказанне фінансавай падтрымкі Узброеным сілам Украіны, а таксама на адпаведнасць атрыманых даходаў сродкам, пералічаным у бюджэт», — гаворыцца ў паведамленні ТАСС.
Раней актывіст Віталь Барадзін, які піша даносы на кампаніі і публічных асоб, папрасіў Генпракуратуру РФ праверыць кампанію Mars. Ён заяўляў, што кампанія зарабляе ў Расіі, але спансіруе Украіну і, магчыма, УСУ, «прыкрываючыся гуманітарнымі мэтамі».
Mars — вытворца харчовых прадуктаў, корму для свойскіх жывёл і жавальнай гумкі. Асноўныя гандлёвыя маркі кампаніі — Mars, Snickers, Milky Way, Twix, Bounty, M&M's, Whiskas, Pedigree, Uncle Ben’s.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі15
Каментары