На сайце «Белспецкантракт», дзе звычайна выстаўляюць на продаж тэхніку сілавых ведамстваў, Міністэрства надзвычайных сітуацый размясціла лот з продажам пажарнай машыны.
На продаж выстаўлены аўтамабіль ЗІЛ-433362 з цыстэрнай АЦ-2,5-40. Машына выпушчаная ў 2003 годзе і мае прабег 31 090 кіламетраў. Ступень зносу ацэненая ў 90%.
Кабіна месціць семярых чалавек, а цыстэрна, вырабленая Прылуцкім заводам супрацьпажарнага абсталявання, разлічаная на 2500 літраў вады і 195 літраў пенаўтваральніка. Помпа магутнасцю 40 конскіх сілаў выдае ваду пад ціскам у 10 атмасфер.
Аўтамабіль прадаюць за 5000 рублёў, знаходзіцца ён у Мінскім абласным упраўленні МНС па вуліцы Несцерава, 9А. Мяркуючы па маркіроўцы, машына была прыпісаная да пажарнай часці ў Лагойску.
Цяпер чытаюць
Сталі вядомыя падрабязнасці пра трагедыю ў Полацкім манастыры3
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары