На пастаўку знішчальнікаў F-16 ва Украіну сыдзе ў найлепшым выпадку некалькі месяцаў
Вядома, што амерыканскі персанал будзе ўдзельнічаць у вучэннях разам з саюзнікамі і партнёрамі ў Еўропе.
На пастаўку знішчальнікаў F-16 ва Украіну сыдзе ў найлепшым выпадку некалькі месяцаў. Пра гэта заявіў у панядзелак міністр ВПС ЗША Фрэнк Кендал, паведамляе «Еўрапейская праўда».
Адміністрацыя прэзідэнта ЗША пакуль дала мала дэталяў наконт плану аснашчэння ўкраінскіх ВПС знішчальнікамі амерыканскай вытворчасці або іншымі самалётамі чацвёртага пакалення пасля таго, як Джо Байдэн абвясціў у пятніцу, што ЗША падтрымаюць сумесныя вучэнні ўкраінцаў.
Вядома, што амерыканскі персанал будзе ўдзельнічаць у вучэннях разам з саюзнікамі і партнёрамі ў Еўропе.
Па словах Кендала, пройдзе прынамсі «некалькі месяцаў», перш чым Украіна атрымае магчымасць эксплуатаваць F-16. Ён падкрэсліў, што трэба будзе прапрацаваць шэраг дэталяў, перш чым украінскія ВПС змогуць лётаць на заходніх самалётах у вялікай колькасці.
«Мы ні пры якіх абставінах не збіраемся перадаваць F-16 або іншы заходні знішчальнік у значнай колькасці ў рукі ўкраінскіх ВПС раней, чым праз некалькі месяцаў», — сказаў Кендал журналістам.
«Некалькі месяцаў» — гэта адносна невялікія тэрміны, бо, па словах афіцыйнага прадстаўніка ВПС ЗША, падрыхтоўка новага амерыканскага пілота на гэтым самалёце звычайна займае больш за два гады. Нават курс перападрыхтоўкі для пілота F-16, які на час адышоў ад кіравання самалётам, можа заняць да пяці месяцаў.
Цяпер чытаюць
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю2
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары