Мінгарвыканкам адмаўляў у правядзенні сустрэчы з 12-гадовай блогеркай у Dana Mall
Арганізатары звярталіся па дазвол, але не атрымаўшы яго, усё роўна правялі сустрэчу. Пра гэта распавёў начальнік упраўлення культуры Мінгарвыканкама Віталь Брэль, пішуць «Мінск-навіны».
— У PR-кампаніі «Саўндкафэ прадакшн» была дамова з Burger King на правядзенне рэкламнай кампаніі. Выконваючы абавязацельствы, арганізатары звярнуліся ва ўпраўленне культуры Мінгарвыканкама, але ім было адмоўлена. Прычын некалькі: па-першае, пляцоўка не прыстасаваная для правядзення канцэртных праграм, па-другое, Burger King не з'яўляецца ўладальнікам ГРЦ Dana Mall, па-трэцяе, было заяўлена, што на сустрэчу прыйдзе 500 чалавек, — растлумачыў В.Брэль.
Паводле яго слоў, арганізатарам было пазначана, што мерапрыемства не адпавядае «Кодэксу аб культуры», што імі прадастаўленая недакладная інфармацыя пра сам фармат мерапрыемства, што было зразумела на стадыі арганізацыі.
— Яны правялі сустрэчу без ўзгаднення, парушыўшы заканадаўства, — падкрэсліў В.Брэль.
Нагадаем, што ў суботу, 24 верасня, у гандлёвым цэнтры Dana Mall сабралася некалькі тысяч чалавек на сустрэчу з 12-гадовай блогеркай Міланай Хаметавай. Таксама падчас мерапрыемства паміж першым і цокальным паверхам адбылося экстраннае спыненне кабіны з-за перагрузкі, пачалася цісканіна. Па медыцынскую дапамогу звярнулася некалькі чалавек.
Таксама паведамлялася, што арганізатар сустрэчы затрыманы.
Чытайце таксама:
З'явілася відэа надзвычайнай сітуацыі з ліфтам у Dana Mall
«Пачалася цісканіна, АМАП пачаў разганяць людзей». Што адбывалася сёння ў Dana Mall
Сустрэчу з блогеркай у Dana Mall кваліфікавалі як «несанкцыянаванае масавае мерапрыемства», арганізатара затрымалі
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся1
Каментары