У судзе Ленінскага раёна Мінска з 6 чэрвеня разглядаецца крымінальная справа супраць былога адваката Андрэя Мачалава. Юрыста абвінавачваюць у тым, нібыта ён падрабіў ордар на ўдзел у крымінальным працэсе, хоць ведаў, што быў выключаны з Мінскай гарадской калегіі адвакатаў.
Заяву на Мачалава напісала суддзя Анжэла Касцюкевіч, якая судзіла падабаронную адваката. У ёй гаварылася, што юрыст прыйшоў у суд з несапраўднымі дакументамі.
13 чэрвеня па справе адбыліся спрэчкі бакоў — пракурор запрасіў для Мачалава два гады абмежавання волі з накіраваннем у папраўчую ўстанову адкрытага тыпу («хіміі»).
Прысуд будзе агучаны заўтра — 16 чэрвеня. Яго вынесе суддзя Таццяна Шоцік, піша «Вясна».
Адвакат Мачалава Віталь Брагінец з 25 мая знаходзіцца пад арыштам, таму на ніводны працэс свайго падабароннага ён не патрапіў.
Чытайце таксама:
Пачаўся суд над экс-адвакатам Андрэем Мачалавым. Яго адвакат адбывае 15-сутачны арышт
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары