У Баранавіцкім раёне спілавалі палову «альтанкі Міцкевіча». Даведаліся чаму
Турысты, якія нядаўна наведвалі Туганавіцкі парк, што паблізу аграгарадка Карчова (Баранавіцкі раён), заўважылі, што не стала часткі «альтанкі Міцкевіча». Так называлі высаджаныя колам векавыя ліпы. На месцы некаторых дрэў засталіся толькі пні.
Чытачка «Нашай Нівы» патэлефанавала спецыялісту па ахове гісторыка-культурнай спадчыны Баранавіцкага раёна, супрацоўніцы раённага цэнтра рамёстваў Анастасіі Столяр і спытала, чаму спілавалі ліпу.
«У мінулым годзе была бура, якая зламала палову дрэва. Было прадпісанне аховы прыроды аб тым, каб увесь гэты буралом прыбраць. Яшчэ некалькі дрэў злева, каля ўваходу ў парк, былі выкарчаваныя, яны таксама былі паваленыя ветрам. З другой часткай дрэва ўсё нармальна. Проста так ніхто гісторыка-культурную каштоўнасць пілаваць не будзе, — запэўніла спецыялістка. — Адзінае — там не вельмі добра спілавалі гэтае дрэва, застаўся пень. Але я гэтым пытаннем займаюся».
Туганавіцкі парк закладзены ў канцы XVIII стагоддзі. Гэта класічны ўзор пейзажнай паркавай архітэктуры перыяду рамантызму. У XIX стагоддзі маёнтак належаў Верашчакам. Сюды прыязджаў гасціць паэт Адам Міцкевіч, каб пабачыць каханую Марылю Верашчаку.
Чытайце таксама:
Сёння ў Мінску пачынаецца суд над Іллёй Вайцяховічам, якога затрымалі на мяжы, калі ён ехаў на пахаванне бацькі
«Ну чаму з хворых?» Чыноўнік апраўдваецца за кілбасу з зуброў
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць3131
Каментары