Жанчыну, якую адправілі на «хатнюю хімію» за каментарый з эмодзі-гаўняшкай, зноў асудзілі за абразу міліцыянта
Суддзя Арцём Падалянец вынес прысуд Вользе Крондзе паводле артыкула 369 за «абразу» міліцыянта Руслана Куцко, як і запытваў пракурор Яўген Булаты.
Шляхам частковага складання пакарання, паколькі Вольга адбывае тэрмін у два гады хатняй «хіміі» па першай справе аб абразе гэтага ж супрацоўніка, жанчыне прысудзілі тры гады хатняй «хіміі», а таксама штраф памерам у 50 базавых (1600 рублёў) + 1000 рублёў маральнай кампенсацыі міліцыянту Куцко.
Вольгу ўжо судзілі за «абразу» гэтага ж супрацоўніка ў жніўні 2021 за эмодзі «гаўняшка» ў адрас міліцыянта. Тады ёй далі два гады «хатняй хіміі» і абавязалі выплаціць пацярпеламу дзве тысячы рублёў маральнай кампенсацыі, паведамляюць правааабаронцы.
Мінулым разам запыт дзвюх тысяч маральнай кампенсацыі Куцко абгрунтаваў тым, што з-за каментарыя ў выглядзе эмодзі яго жонцы паступалі пагрозы.
Цяпер жанчыну асудзілі за каментарый «аб*ўся і зганьбіўся» у чаце Івацэвічаў, які нібыта пакінула Вольга. Абодва суды праходзілі ў закрытым рэжыме па хадайніцтве пацярпелага міліцыянта Куцко з «мэтай прадухілення выдавання звестак, якія зневажаюць годнасць пацярпелага».
Вольга адна выхоўвае дачку, яна — рамесніца, падтрымаць яе можна тут.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары