Незвычайнае хобі каралевы Маргрэтэ II прывяло яе на здымачную пляцоўку «Эрэнгарда» — вольнага кінапераказу рамана дацкай пісьменніцы Карэн Бліксен.
Каралева Даніі, 81-гадовая Маргрэтэ II, створыць дэкарацыі для фантастычнага фільма Netflix «Эрэнгард», рэжысёрам якога выступіць дацкі лаўрэат прэміі «Оскар» Біле Аўгуст («Пеле-заваёўнік», «Адрынутыя»), паведамляе РБК са спасылкай на Hollywood Reporter.
«Эрэнгард» будзе зняты па матывах аўтабіяграфічнага рамана дацкай пісьменніцы Карэн Бліксен «З Афрыкі». Дзеянне фільма адбываецца ў казачным каралеўстве Бабенхаўзен, у цэнтры сюжэта — гісторыя маладога лавеласа і лжээксперта ў любоўнай навуцы, якога наймаюць, каб дапамагчы прынцу разабрацца ў сардэчных справах.
«Гісторыі Карэн Бліксен заўсёды зачароўвалі мяне сваёй казачнай эстэтыкай і незвычайным пісьменніцкім талентам — і я вельмі шчаслівая быць часткай гэтага праекта», — распавяла кіраўнік Даніі.
Для каралевы гэта не першы досвед падобнай працы, Маргрэтэ вядомая як мастак-ілюстратар.
Яе малюнкі, апублікаваныя пад псеўданімам Інгахільд Гратмер, выкарыстоўваліся для дацкіх выданняў «Уладара пярсцёнкаў» Дж. Р. Р. Толкіна яшчэ ў пачатку 1970-х.
Што тычыцца кінасферы, то і тут яна не пачатковец, бо ўжо распрацоўвала касцюмы і дэкарацыі для нацыянальных фільмаў і тэлесерыялаў, а таксама для пастановак дацкага Каралеўскага балета. Але праект «Эрэнгард», відаць, стане самым маштабным у кар'еры каралевы-дэкаратара.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары