Нядаўна пісалася пра цяжкасці ў рытэйлера «Дамашні», якому належыць таксама Універсам «Цэнтральны». Асартымент у краме стаў прыкметна бяднейшы, а цяпер універсам абвясціў татальны распродаж тавару. Як паказвае практыка, крамы «Дамашняга» пасля такіх жа распродажаў зачыняюцца, піша Tut.by.
Зараз ва ўніверсаме — татальны распродаж са зніжкамі 30%.Прадаўцы ўніверсама кажуць, што ліквідацыя тавару ідзе ў сувязі са зменай уласніка.
— Хто будзе — пакуль невядома, напэўна, «Еўраопт», — кажуць супрацоўнікі.
У «Еўраопце» не сталі каментаваць гэтую сітуацыю.
Камерцыйны дырэктар сеткі «Дамашні» Аксана Тромза сказала: калі цяпер ідзе распродаж у краме, то гэта яшчэ не значыць, што яна зачыняецца. Пракаментаваць сітуацыю з «Цэнтральным» яна не змагла, сказала, што адказаў на нашы пытанні ў яе няма.
Памяшканні ўніверсама «Цэнтральны» належаць ЗАТ «Універсам «Цэнтральны» — гэта адна з кампаній, звязаная з бізнэсменам Іванам Беразоўскім. Да гэтага магазін быў выстаўлены на продаж, адна з апошніх аб'яваў — у снежні 2020 года. Гандлёвы аб'ект плошчай больш за 2800 тысяч «квадратаў «прадавалі за 9,8 мільёнаў даляраў (па 3500 за «квадрат»).
Каментары