Найбуйнейшы рытэйлер краіны — сетка «Еўраопт» — папярэджвае аб тым, што ад імя сеткі ў інтэрнэце дзейнічаюць ашуканцы. Пра гэта кампанія паведаміла ў афіцыйным акаўнце ў сацыяльных сетках.
«Невядомыя прапануюць прайсці апытанне, каб атрымаць грашовую суму альбо купон на прадукты. Не паддавайцеся на правакацыю. Падобная акцыя не праводзіцца ў сеткі крам «Еўраопт», — папярэджвае кампанія.
Пры атрыманні паведамленняў сумніўнага характару «Еўраопт» просіць не пераходзіць па ўказанай у паведамленні спасылцы; паскардзіцца на публікацыю або паведамленне, паведаміць аб атрыманні паведамлення ў асабістых паведамленнях на афіцыйных старонках «Еўраопт» у сацыяльных сетках.
Каментары