Па СТБ паказалі ВІДЭАзварот Дудзінскага і Кахно, дзе яны прызнаюцца ў «супрацьзаконных дзеяннях»
Тэлеканал СТБ паказаў відэазварот шоўменаў Дзмітрыя Кахно і Дзяніса Дудзінскага, дзе яны звярнуліся да беларусаў і заклікалі не здзяйсняць супрацьзаконных дзеянняў.
— На сваім прыкладзе хачу перасцерагчы ўсіх тых, хто збіраецца выходзіць на незаконныя мітынгі, акцыі і шэсці аб наступствах. Наступствы будуць, наступствы будуць абавязкова. І наступствы не такія мяккія могуць быць, як вы пра гэта думаеце, — кажа Дудзінскі ў відэазвароце.
— Не рабіце вы супрацьзаконных дзеянняў, — заклікаў ён.
Кахно звярнуўся з аналагічным пасылам:
— На сваім асабістым прыкладзе я хачу перасцерагчы кожнага, хто збіраецца выйсці на незаконна ўзгодненыя шэсці пра тую законную адказнасць, якую прыйдзецца панесці.
Вядучыя ў звароце выкарыстоўваюць шаблонныя пратакольныя фразы, што прымушае ўсумніцца ў шчырасці і добраахвотнасці гэтых прамоваў.
Вядучыя адбываюць адміністрацыйны арышт у 10 сутак за «ўдзел у несанкцыянаваным мерапрыемстве». Іх затрымалі 2 верасня.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым4
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары