Мексіка пагадзілася падключыцца да пагаднення АПЕК+ аб скарачэнні здабычы нафты пры ўмове адмовы ад здабычы 100 тысяч бараляў у суткі, перадае Reuters са спасылкай на прэзідэнта краіны Андрэса Мануэля Лопеса Абрадора. Астатнюю частку долі Мексікі ў скарачэнні здабычы возьмуць на сябе Злучаныя Штаты.
У рамках здзелкі з Мексікай агульнае скарачэнне складзе 350 тысяч бараляў у суткі.
«Прэзідэнт Трамп паведаміў, што Злучаныя Штаты пагодзяцца зрэзаць здабычу на 250 тысяч бараляў у суткі для таго, каб кампенсаваць долю Мексікі», — сказаў Лопес Абрадор.
Краіны АПЕК+ настойвалі, каб Мексіка скараціла аб'ём здабычы нафты на 400 тысяч бараляў, аднак напярэдадні краіна не пагадзілася з такімі ўмовамі. З-за пазіцыі Мексікі фінальныя перамовы па пагадненні былі перанесены на пятніцу 10 красавіка.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна1
Каментары