Мінчук пад выглядам міліцыянера забіраў у мінакоў банкаўскія карты і грошы
Мінчук забіраў у мінакоў банкаўскія карты і грошы, прадстаўляючыся міліцыянерам, паведамляе МУС.
У сталіцы супрацоўнікі па барацьбе з кіберзлачынствамі пры сілавой падтрымцы АМАПа затрымалі 32-гадовага мужчыну, які пад выглядам супрацоўніка праваахоўных органаў спачатку абшукваў людзей, а затым прысабечваў іх грошы і банкаўскія карты.
Адно з паведамленняў у міліцыю паступіла ад наведвальніка чыгуначнага вакзала ў Мінску. Грамадзянін распавёў, што ў холе да яго падышоў невядомы, прадставіўся міліцыянерам і паказаў дакумент, які нагадвае службовае пасведчанне. Псеўдасупрацоўнік міліцыі пры гэтым сказаў, што гэты грамадзянін падобны па прыкметах да злачынцы, і пачаў даглядаць асабістыя рэчы «затрыманага». У выніку ён канфіскаваў у яго грошы і банкаўскую карту.
Па патрабаванні «праваахоўніка» пацярпелы паведаміў пін-код для ідэнтыфікацыі ўладальніка карты. Калі неабходныя звесткі былі нібыта «правераны па базе», «міліцыянер» паклаў карту ў кашалёк пацярпелага. Пазней высветлілася, што ён яе незаўважна замяніў на іншую.
Аператыўнікі высветлілі, што такую злачынную схему затрыманы здзяйсняў каля месяца, ужо знайшлі некалькіх ахвяр. Не выключана, што падманутых людзей можа быць больш.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары