У міліцыю звярнуўся берасцеец, ён распавёў, што нехта пашкодзіў у чатырох месцах яго «Лексус-LX570». Малады чалавек растлумачыў, што машыну прыпаркаваў за плотам аднаго з дамоў без парушэнняў правілаў. Адышоў па справах, а вярнуўшыся, пабачыў пашкоджанні, паведамляе абласная міліцыя.
Высветлілася, што пахуліганіла 63-гадовая жанчына. Ёй не спадабалася месцазнаходжанне аўто, і яна вырашыла ліквідаваць праблему сваімі метадамі.
Жанчына ўзяла гаршчок для кветак і скінула яго з акна сваёй кватэры проста на прыпаркаваны «Лексус». Гэта ўбачыў ахоўнік крамы і зрабіў заўвагу. У адказ жанчына выйшла на вуліцу, назбірала камянёў і пачала кідаць іх у машыну, на далейшыя заўвагі не рэагавала і вярнулася дадому.
Заведзена крымінальная справа.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары