У Брэсце пачалі выпускаць мяккі тварожны сыр, які працягвае традыцыі шырока вядомага ў свеце гатунку Cream Cheese. «Савушкаў прадукт» вывеў на рынак чатыры навінкі, якія гатуюцца з вяршкоў і рэкамендуюцца для лёгкіх бутэрбродаў і брускет, соусаў і далікатных дэсертаў.
Калі раней аматары Cream Cheese траціліся на дарагія імпартныя прадукты, то цяпер яго можна знайсці пад брэндам «Савушкаў». Інгрэдыенты і тэхналогія нічым не саступаюць, а вось кошты — на парадак ніжэйшыя за замежныя аналагі.
Беларускі сыр, як і ў рэцэпце з Баварскіх Альпаў, мае мяккі смак і далікатную лёгкую кансістэнцыю. Беларускі вытворца па традыцыі прытрымліваецца натуральнага складу без кансервантаў. Масавая доля тлушчу ў сухім рэчыве 60%, але каларыйнасць пры гэтым невысокая — у 100 грамах усяго 216 ккал.
У «бочачцы» з двайным вечкам выпушчаны лёгкі сыр, які для большай мяккасці насычаны кіслародам. На выбар чатыры смакі — «Савушкаў» сметанковы, з таматамі, часнаком або зелянінай. Неўзабаве асартымент папоўніцца яшчэ двума — з грыбамі і з агурком.
«Цяпер папулярны гатунак тварожных сыроў стане значна больш даступным беларусам. Аналізуючы змены спажывецкіх пераваг, мы бачым, што расце патрэба ў гатовых да ўжывання прадуктах для перакусу ў офісе, дома або ў дарозе. І прапанаваныя намі мяккія тварожныя сыры выдатна адпавядаюць новаму трэнду: яны дазваляюць прагнаць голад з карысцю для арганізма пры адносна невялікай колькасці калорый», — адзначыла РR-дырэктар кампаніі «Савушкаў прадукт» Алена Бабкіна.
На яе думку, рост спажывання мяккіх тварожных сыроў у Беларусі ў значнай ступені стрымлівалі высокія цэны на гэты від прадуктаў. «У краіне ў гэтай катэгорыі былі прадстаўленыя ў асноўным дарагія замежныя прадукты. Зараз жа аматарам мяккіх тварожных сыроў не прыйдзецца рабіць выбар паміж смакавымі перавагамі і эканоміяй сямейнага бюджэту», — лічыць вытворца.
Прадстаўнікі рэстараннага бізнэсу тварожны сыр лічаць універсальным: яго выкарыстоўваюць у закусках, мясных стравах і дэсертах. З яго робяць кампазіцыі з хлебам, крэкерам і тостамі. А яшчэ дадаюць у стравы з гароднінай і рэкамендуюць ужываць як самастойны прадукт.
Мяккія тварожныя сыры «Савушкаў» ужо прадстаўленыя ў буйных крамах усіх гандлёвых сетак Беларусі. Тэрмін прыдатнасці прадукту — 90 дзён, а захоўваць яго рэкамендуюць пры тэмпературы ад + 2 да + 6 градусаў.
Каментары