У Докшыцкім раёне ў прыватным доме пры замене падлогі знайшлі проціпяхотную міну, паведамляе БелТА.
Фота: БелТА.
30 ліпеня жыхары прыватнага дома даваеннай пабудовы ў мястэчку Бягомль вырашылі перакласці падлогу. Пасля падняцця драўлянага насцілу ўладальнікі ўбачылі падазроны прадмет, які тырчыць з землянога насыпу. Пра сваю знаходку яны паведамілі ў міліцыю. Сапёры дасталі з падполля проціпяхотную міну часоў вайны, аб наяўнасці якой жыхары нават не падазравалі. У выпадку пралому падлогі ў гэтым месцы або пажару яна магла выбухнуць.
Міну вывезлі ў бяспечнае месца і знішчылі.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары