Актывіст «Руху за свабоду» Мікіта Семяненка сёлета спрабаваў балатавацца ў мясцовыя дэпутаты на Кунцаўшчынскай акрузе ў Мінску.
На этапе збору подпісаў, кажа ён, праблем не ўзнікла. Але не зарэгістравалі яго па іншай прычыне.
«Калі прыйшоў на фінальнае пасяджанне, мне заявілі, што я не буду зарэгістраваны як кандыдат, таму што, маўляў, маю незадэклараваную кватэру, — расказаў «Нашай Ніве» Семяненка. — Я адказаў, што было б крута, каб 22-гадовыя хлопцы ў Беларусі ўжо маглі мець свае кватэры, а не здымаць. Яны пачалі апраўдвацца, што да іх пытанняў быць не можа, маўляў, гэта кадастр ім такую інфармацыю прадаставіў».
Як выяснілася, кватэра, якую «знайшлі» у Семяненкі, належыць ягонай маці, але ніякіх правоў на яе хлопец не мае.
«Я заехаў да мамы, каб пераканацца, што ніякіх нечаканых падарункаў яна мне не рабіла. У прынцыпе, так усё і ёсць: паводле папераў, мая маці — адзіная ўласніца памяшкання. Мы з ёй таксама носім розныя прозвішчы, я не маю нават нейкай долі», — кажа Семяненка.
Цяпер Семяненка збіраецца ўзяць адпаведную выпіску і падаць у суд на Нацыянальнае кадастравае агентцва — будзе патрабаваць «адну базавую велічыню ў фонд кандыдата».
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары