Сёння раніцай вакаліста Дэйва Гаана выпісалі з 9-й гарадской клінічнай бальніцы Мінска з дыягназам мезаданіт.
Стан музыкі, як сцвярджаюць медыкі, здавальняючы. Заўтра ён па гастрольным плане збіраецца выступіць у Кіеве.
Калі гаварыць медыцынскімі тэрмінамі, мезаданіт — гэта запаленне лімфатычных вузлоў брыжэйкі кішачніка, якое суправаджаецца інтаксікацыйным сіндромам і адчуваннямі ў вобласці жывата.
Але чым маглі быць выкліканыя рэзкія болі ў жываце музыкі?
Пра гэта па просьбе «НН» паразважаў сталічны анестэзіёлаг Андрэй Вітушка: «Мезаданіт з’яўляецца ўскладненнем вірусна-кішачнай інфекцыі ці любой іншай. На яе фоне мікробы прарываюцца і назапашваюцца ў лімфатычных вузлах. Вузлы паступова павялічваюцца, што выклікае дыскамфорт: у чалавека пачынае балець жывот.
Нельга нешта з’есці і адчуць падобныя недамаганні праз некалькі гадзін. Звычайна такая сітуацыя здараецца ўжо пасля перанесенай інфекцыі, атручвання. Хутчэй за ўсё, так і было з Дэйвам. І тое, што ён трапіў у бальніцу на тэрыторыі Беларусі, — простая выпадковасць, так атрымалася па часе. Але гэта магло адбыцца і ў Кіеве заўтра ці недзе яшчэ».
Чытайце таксама: Саліст Depeche Mode выпісаны з бальніцы ў Мінску: дыягназ — мезаданіт
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары