Вакаліст Depeche Mode Дэйв Гаан выпісаны з лякарні, паведамілі БелТА ў 9-й гарадской клінічнай бальніцы Мінска.
Дактары ацэньваюць яго стан як здавальняючы.
Сёння раніцай Дэйв Гаан быў агледжаны медыкамі, прынята рашэнне аб яго выпісцы. Саліст Depeche Mode быў у нармальным настроі, размаўляў з дактарамі. Цяпер ён рыхтуецца пакінуць бальніцу, распавялі ў медустанове.
Іншыя падрабязнасці не паведамляюцца, бо звесткі пра здароўе саліста Depeche Mode з'яўляюцца інфармацыяй асабістага характару.
Дэйва Гаана туды накіравалі ў 9-ю бальніцу з-за праблем з страваваннем у панядзелак у 15.30.
— Яго ўжо выпісалі. Здавальняючы стан, усё нармальна, — распавёў TUT.BY галоўны доктар бальніцы Валерый Кушнярэнка.
Ад чаго менавіта прыйшлося лячыць зорку, дактары не кажуць. Аднак мяркуюць, што на канцэрце ў Кіеве (запланаваны на 19 ліпеня) артыст зможа выступаць.
Ляжаў Дэйв Гаан у аднамеснай палаце.
— Абсалютна сціплы, нармальны чалавек, — сказаў на заканчэнне доктар.
Па дадзеных крыніцы TUT.BY у медыцынскіх колах, Дэйва Гаана шпіталізавалі з моцнымі болямі ў жываце.
— Яму зрабілі УГД і ўзялі ўсе неабходныя аналізы. Займаліся артыстам вельмі добрыя дактары — прафесары. УГД не выявіла паталогіі. Дактары адзначылі, што для сваіх 53 гадоў Гаан у вельмі добрай форме. Яму паставілі дыягназ мезадэніт (запаленне лімфатычных вузлоў брыжэйкі кішачніка, якое суправаджаецца інтаксікацыйным сіндромам і адчуваннямі ў вобласці жывата), — распавялі ў медыцынскіх колах.
-
«Я была толькі абалонкай чалавека». Кайлі Міноўг расказала, як у яе другі раз дыягнаставалі рак і як яна не хацела пра гэта расказваць
-
«Еўрабачанне» выйграла Балгарыя. Гэта першая перамога гэтай краіны ў гісторыі конкурсу
-
Фінляндыя, Данія, Нарвегія. Або Грэцыя ці Францыя? Топ сёлетняга «Еўрабачання»
Каментары