Большасць грамадзян Турцыі, паводле папярэдніх вынікаў, прагаласавалі на канстытуцыйным рэферэндуме за радыкальнае пашырэнне паўнамоцтваў прэзідэнта і ператварэнне краіны з парламенцкай у прэзідэнцкую рэспубліку.
Па выніках падліку пашырэнне паўнамоцтваў прэзідэнта падтрымалі 51,3 працэнтаў турак. Яўка на рэферэндуме перавысіла 86%.
Рэферэндум быў ініцыяваны дзеючым прэзідэнтам Турцыі Рэджэпам Таіпам Эрдаганам. З улікам вынікаў галасавання ён зможа кіраваць краінай да 2029 года. У 2019 годзе адбудуцца чарговыя выбары прэзідэнта, тэрмін яго паўнамоцтваў — пяць гадоў, адзін чалавек мае права займаць гэтую пасаду два тэрміны запар. Цяперашні тэрмін Эрдагана абнуляецца з-за змены заканадаўства.
У адпаведнасці з рэформай у Турцыі касуецца пасада прэм'ер-міністра. Прэзідэнт атрымлівае права прызначаць міністраў і амаль усіх суддзяў Канстытуцыйнага суда, распускаць парламент і ўводзіць надзвычайнае становішча.
Эрдаган знаходзіцца ва ўладзе ў Турцыі з 2003 года, калі ён заняў пасаду прэм'ер-міністра. Роля прэзідэнта тады была цырыманіяльнай. З 2014 года ён з'яўляецца прэзідэнтам краіны.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым4
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары