У Расіі маюць намер зарэгістраваць гандлёвыя маркі «Джамала 1944» і «JAMALA 1944» для вытворчасці адзення, напояў, стварэння турыстычнага агенцтва па арганізацыі экскурсій у Крым і музычных школ.
Пра гэта паведаміў прэзідэнт расійскай Першай патэнтнай кампаніі (ППК) Анатоль Аронаў.
«Мы склалі заяўку на таварны знак нашага кліента — для адзення, галаўных убораў, напояў, а таксама для турагенцтва — арганізацыя і правядзенне тураў, а таксама стварэнне музычных школ», — сказаў Аронаў.
Паводле яго слоў, «гэтыя хлопцы хочуць адкрыць маленькае турыстычнае агенцтва для працы ў Крыме, а таксама хочуць звязацца з пераможцам «Еўрабачання-2016», каб атрымаць дазвол на выкарыстанне яе імя».
Пры гэтым Аронаў прадэманстраваў адпаведныя заяўкі на дзяржаўную рэгістрацыю абазначэння ў якасці таварнага знака, знака абслугоўвання ў РФ — «Джамала 1944» і «JAMALA 1944».
Аронаў паведаміў, што яго кліентам з'яўляецца грамадзянін Цярэшчанка Барыс Віктаравіч.
Паводле яго слоў, кліент хоча легальна працаваць на тэрыторыі РФ і не мець праблем з расійскімі праваахоўнымі органамі.
Аронаў вядомы ў Расіі спробамі арганізаваць «Туры ў Наваросію», а таксама ініцыятывамі па стварэнні клуба для былых зняволеных «Уладзімірскі цэнтрал» і бараў «ДНР» і «ЛНР» — для выхадцаў з акупаваных частак Данбаса.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў5
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары