Аляксандр Лукашэнка лічыць важным працягнуць лінію на поўную нармалізацыю адносін і паглыбленне супрацоўніцтва з Еўрапейскім саюзам з улікам нацыянальных інтарэсаў.
Аб гэтым кіраўнік дзяржавы заявіў сёння на нарадзе па пытаннях беларуска-еўрапейскіх адносін.
«Важна працягнуць лінію на поўную нармалізацыю адносін і паглыбленне супрацоўніцтва з ЕС у кантэксце нашых нацыянальных інтарэсаў. Гаворка ідзе пра ўмацаванне дзяржаўнага суверэнітэту і незалежнасці, бяспекі і стабільнасці Беларусі», — заявіў Аляксандр Лукашэнка.
Кіраўнік краіны адзначыў, што ў апошні час назіраецца пазітыўная дынаміка ў развіцці адносін паміж Еўрапейскім саюзам і Беларуссю, узровень і інтэнсіўнасць кантактаў узраслі, агульная атмасфера таксама палепшылася.
«Прынятае ў лютым 2016 года рашэнне Еўрасаюза аб адмене большасці санкцыяў у дачыненні да Беларусі адкрывае новыя магчымасці для развіцця нашага ўзаемадзеяння з Еўрасаюзам. Гэты крок ясна сведчыць пра гатоўнасць ЕС і яго краін-членаў да актывізацыі прагматычнага супрацоўніцтва з Беларуссю, — сказаў кіраўнік дзяржавы. — Гэта нас абсалютна задавальняе. Я ўжо казаў, сустракаючыся з прадстаўнікамі Злучаных Штатаў, што палітызаванасць (тым больш залішняя) тых працэсаў, якія не павінны быць палітызаваныя, нам абсалютна не патрэбна. Нам патрэбна прагматычнасць адносін».
Пры гэтым Аляксандр Лукашэнка асабліва падкрэсліў, што для Беларусі непрымальна, каб партнёры ў ЕС або ЗША ставілі яе перад выбарам, развіваць адносіны з Захадам ці Расіяй.
«Нам такі перамоўны крытэр не падыходзіць. Гэта самае горшае, што можа быць пастаўлена перад намі», - заявіў ён.
«Думаю, у Еўропе сёння выдатна разумеюць гэта, і прынамсі на перамовах са мной ніводны з прадстаўнікоў ЗША ці Заходняй Еўропы не паставілі такім чынам пытанне. Нарэшце ўсе зразумелі, што Беларусь з той шматвектарнай палітыкай, якую яна праводзіла ў апошнія гады, як раз і патрэбна Еўрапейскаму саюзу, — лічыць беларускі лідар. — Лёс наш такі: мы апынуліся паміж двума цэнтрамі сілы і ад гэтага нікуды не падзецца. Ігнараваць мы не можам ні адзін, ні другі. Але рускія — нашы браты, падабаецца каму ці не, і нашы адносіны павінны быць з імі адпаведнымі».
Аляксандр Лукашэнка адзначыў, што для развіцця адносін Беларусі з ЕС на аснове прагматызму ёсць шмат магчымасцяў, у тым ліку перадавыя тэхналогіі і больш танныя фінансавыя рэсурсы. «З іншага боку — велізарны расійскі, еўразійскі рынак. Далей — Кітайская Народная Рэспубліка. Значыць, і там нашы інтарэсы. З гэтага трэба зыходзіць», — падкрэсліў кіраўнік краіны.
Кіраўнік дзяржавы канстатаваў, што ў адносінах паміж Беларуссю і ЕС існуе шэраг так званых нявырашаных праблем. «Іх, вядома, трэба вырашаць», - звярнуў увагу Аляксандр Лукашэнка.
Паводле слоў Лукашэнкі, неабходна прааналізаваць тыя магчымасці, якія адкрываюцца перад Беларуссю, і вызначыць, па якім найбольш выгадным напрамках рухацца наперад. «Перш за ўсё гэта тычыцца гандлёва-эканамічнай, інвестыцыйнай, фінансавай сфер. А таксама арганізацыі сумеснага процідзеяння трансгранічным пагрозам», — дадаў беларускі лідар.
На працягу апошніх гадоў Беларусь таксама вядзе перамовы з Еўрапейскім саюзам аб заключэнні шэрагу пагадненняў.
У сувязі з гэтым Аляксандр Лукашэнка пацікавіўся, на якой стадыі знаходзіцца перамоўны працэс па праектах аб спрашчэнні візавых працэдур і рэадмісіі.
«Каб канчаткова вызначыцца па пытанні аб партнёрстве ў сферы мабільнасці з Еўрасаюзам, трэба ўдакладніць, якія перавагі атрымае ад гэтага Беларусь. Акрамя таго, мэтазгодна абмеркаваць агульныя падыходы да далейшай лібералізацыі візавага рэжыму», - лічыць прэзідэнт.
Кіраўнік дзяржавы дадаў, што чакае ад удзельнікаў нарады канкрэтных прапаноў па актывізацыі работы з Еўрапейскім саюзам у цэлым і па абазначаных напрамках у прыватнасці.
Цяпер чытаюць
Сталі вядомыя падрабязнасці пра трагедыю ў Полацкім манастыры3
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары