Маці Тэрэза з Калькуты стане каталіцкай святой, заявіў Папа Францішак. Цырымонія пройдзе 4 верасня гэтага года.
EPA
Папа зрабіў гэтую заяву на сустрэчы з кардыналамі: усяго было абвешчана аб прылічэнні да ліку святых некалькіх чалавек.
Маці Тэрэза ў 1979 годзе стала лаўрэатам Нобелеўскай прэміі міру за дапамогу людзям, якія жывуць у нястачы. У 2003 годзе яна была прылічана да ліку блажэнных.
У снежні мінулага года Папа Францішак ухваліў дэкрэт, які прызнае, што маці Тэрэза здзейсніла цуд, вылечыўшы чалавека ад шматлікіх пухлін. Гэта прызнанне і адкрыла шлях да далучэння яе да ліку святых.
Жанчына большую частку жыцця пражыла ў Індыі, дзе дапамагала бедным. Яна памерла ў 1997-м годзе ў Калькуце.
Маці Тэрэза заснавала жаночы місіянерскі ордэн «Сёстры-місіянеркі любові». Зараз у ордэне некалькі тысяч сясцёр міласэрнасці, якія дапамагаюць тым, хто жыве ў нястачы ў розных краінах свету. Яны клапоцяцца пра цяжкахворых, уключаючы заражаных праказай і хворых на сухоты, а таксама дзецям-сіротам, бедным і ахвярам стыхійных бедстваў.
Пры гэтым маці Тэрэзу крытыкуюць за яе рэзкую пазіцыю ў адносінах да кантрацэпцыі і абортаў.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў5
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары