Пятро Парашэнка сустракаецца з байцамі, якія вырваліся з Дэбальцава. Арцёмаўск, 18 лютага. Фота Коммерсант — Міхаіл Палінчак — Pool.
Як паведаміла прэс-служба Генштаба Украіны, у часе адступлення ўкраінскіх войскаў з Дэбальцава загінула 13, паранена 157 украінскіх вайскоўцаў. Яшчэ «больш за 90» байцоў трапіла ў палон. Лёс 82 невядомы.
Праверыць дакладнасць гэтых лічбаў пакуль не ўяўляецца магчымым. Не выключана, што рэальныя страты ў выніку могуць аказацца значна вышэйшымі.
18 лютага ўкраінскія вайскоўцы прарвалі атачэнне расійскіх сілаў і адступілі з Дэбальцава ў раён Арцёмаўска.
Лёс Дэбальцава быў перадвызначаны два тыдні таму, калі расійскія сілы здолелі самкнуць кола ў раёне селішча Логвінава на трасе Дэбальцава—Арцёмаўск. Расійскія сілы значна пераўзыходзяць украінскую армію ў жывой сіле і тэхніцы.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары