У Маскве ў ноч на 13 снежня паліцыянты на аўтамабілі Mitsubishi Pajero збілі пешахода і ўцяклі, паведамляюць расійскія СМІ. 68-гадовы пацярпелы ў выніку ДТЗ сканаў.
Для пошукаў зламыснікаў, якія ўцяклі з месца ДТЗ, быў уведзены план «Перахоп», іх знайшлі за паўгадзіны.
Паведамляецца таксама, што пешаход спрабаваў перасекчы дарогу ў неўсталяваным месцы. Па некаторых дадзеных, мужчына выйшаў з таксі і адразу трапіў пад колы Mitsubishi Pajero, за рулём якога знаходзіўся супрацоўнік паліцыі, а ў салоне ў якасці пасажыраў — яго калегі, падпалкоўнік і маёр паліцыі. Яны былі ў службовай вопратцы.
Па словах прадстаўніка ГУ МУС РФ па Маскве, усе трое былі накіраваныя на медыцынскі агляд. Пасля праверкі інцыдэнту прынята рашэнне звольніць дадзеных супрацоўнікаў з органаў унутраных спраў «па адмоўных матывах». Таксама яны будуць прыцягнутыя да адказнасці ў адпаведнасці з заканадаўствам, а іх начальства — да строгай дысцыплінарнай адказнасці
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары