Палонныя ўкраінскія камандзіры будуць вызваленыя, а войскі з Крыма перадыслакаваныя
«Мы вызвалім нашых камандзіраў абавязкова, — заявіў в.а. міністра абароны Украіны Ігар Ценюх. — Рашэнне (аб перадыслакаванні войскаў) будзе афіцыйна агучана ў бліжэйшыя гадзіны».
Пры гэтым в.а. міністра падкрэсліў, што ён знаходзіцца ў пастаянным дыялогу з міністрам абароны Расійскай Федэрацыі, але гэта не прыносіць выніку.
«Я з міністрам абароны РФ Шайгу не раз выходзіў на сувязь. Яны кажуць, што гэта не іх вайскоўцы, яны не ведаюць, што там робіцца, што гэта нейкая самаабарона. Гэта смешна слухаць», — сказаў Ценюх.
Нагадаем, за апошнія два дні ў Крыме былі захопленыя ў палон трое ўкраінскіх камандзіраў.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца11
Каментары