8 красавіка ў Мікалая Аўтуховіча заканчваецца тэрмін адбыцьця пакараньня, і ён павінен выйсьці з турмы, паведаміла ягоная адвакатка Тацяна Чыгак.
Сёньня ў Ленінскім раённым судзе Горадні адбыўся папярэдні разгляд скаргі Мікалая Аўтуховіча на выкарыстаньне адносна яго мераў спагнаньня. Справа, прызначаная на сераду, будзе разглядацца з выездам на месца адбыцьця пакараньня — у турму № 1 на вуліцы Кірава ў Горадні. Яўка Аўтуховіча на судовае паседжаньне была прызнаная абавязковай, зазначыла Тацяна Чыгак.
Асуджанага будуць дапытваць, а ён будзе даваць свае тлумачэньні пра акалічнасьці спагнаньняў, накладзеных на яго адміністрацыяй турмы.
Двойчы яму далі вымову і адзін раз зьмясьцілі ў штрафны ізалятар. Сам ён гэтыя спагнаньні лічыць незаконнымі, патлумачыла адвакатка. Аўтуховіч лічыць, што ніякіх парушэньняў зь ягонага боку не дапускалася. Гэтая скарга і будзе прадметам дасьледаваньня на выязным паседжаньні суду, усе акалічнасьці, што ў ёй указаныя, удакладніла адвакатка. Будуць дапытваць сьведак як з боку адміністрацыі турмы № 1, так і з боку Аўтуховіча.
У выпадку, калі спагнаньні прызнаюць неабгрунтаванымі, будзе пераглядацца і рашэньне аб выкарыстаньні ў дачыненьні да Аўтуховіча мераў прэвэнтыўнага нагляду.
Гэтае рашэньне было прынятае днямі. Аднак Тацяне Чыгак невядома, якія ў ім прадугледжаныя абмежаваньні для Мікалая Аўтуховіча пасьля вызваленьня.
У 2009 годзе палітвязьня Мікалая Аўтуховіча паўторна зьняволілі, гэтым разам на пяць гадоў і два месяцы. Падставай сталі пяць паляўнічых патронаў: артыкул 295 частка 3 Крымінальнага кодэксу — «незаконныя дзеяньні адносна агнястрэльнай зброі, боепрыпасаў і выбуховых рэчываў».
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым4
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары