Алексіевіч, Эка, Памук і яшчэ 500 пісьменнікаў выступілі за абмежаванне кантролю спецслужбаў у інтэрнэце
Петэцыя з’явілася 10 снежня, у Міжнародны дзень правоў чалавека, на сайце change.org.
Усяго пад зваротам у Арганізацыю Аб’яднаных Нацый падпісалася 562 аўтары, у тым ліку пяцёра Нобелеўскіх лаўрэатаў — Архан Памук, Джон Кутзэе, Эльфрыда Елінэк, Томас Транструмер і Гюнтэр Грас.
«Апошнімі месяцамі інфармацыя пра масавыя маштабы сачэння за людзьмі ў інтэрнэце стала агульнавядомай. З дапамогай усяго некалькі пстрычак мышкай дзяржава можа атрымаць доступ да вашых мабільных тэлефонаў, электроннай пошты, сацыяльных сетак і радку пошуку ў інтэрнэце.
Яны могуць прасачыць вашы палітычныя погляды, сабраўшы ў супрацоўніцтве з інтэрнэт-карпарацыямі ўсю інфармацыю пра вас, прадказаць вашы патрэбы і паводзіны», — гаворыцца ў петыцыі.
«Асноўнай апорай дэмакратыі дэмакратыі з’яўляецца недатычная цэласнасць асобы. Цэласнасць чалавека выходзіць за межы фізічнага цела. У сваіх думках і сваіх асабістых камунікацыях людзі маюць права захоўваць прыватнасць і неўмяшанне. Гэтае фундаментальнае права аказалася нядзейсным шляхам злоўжывання тэхналагічных распрацовак дзяржавамі і карпарацыямі ў мэтах масавага назірання».
У канцы зварота пісьменнікі заклікаюць ААН прызнаць важнасць абароны грамадзянскіх правоў у лічбавую эпоху, і стварыць Міжнародны біль аб лічбавых правах.
Ад Беларусі гэтую петыцыю пакуль падпісалі Святлана Алексіевіч і Вальжына Морт.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў5
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары