У Менску прыпыненыя праектна‑вышукальныя работы па пераабсталяваньні былога кляштара бэрнардзінцаў у гасьцінічны комплекс.
У Мінску прыпынены праектна‑вышукальныя работы па пераабсталяванні былога кляштара бернардзінцаў у гасцінічны комплекс. Гэта вынікае з адказу камітэта архітэктуры і горадабудаўніцтва Мінгарвыканкама на калектыўны зварот грамадскіх актывістаў Мазыра (Гомельская вобласць) з дзвюма тысячамі подпісаў.
Зварот у абарону кляштарнага комплексу і касцёла Святога Язэпа на сталічнай вуліцы Кірыла і Мяфодзія актывісты накіравалі 1 жніўня. Адказ быў атрыманы 28 жніўня. У ім гаворыцца, што «цяпер прыпынена вытворчасць праектна‑вышукальных работ па аб’екце рэканструкцыі будынкаў 4, 6, 8 па вуліцы Кірыла і Мяфодзія з прыстасаваннем пад гасцініцу і гандлёва‑бытавыя аб’екты».
Як паведаміў БелаПАН каардынатар аргкамітэта па стварэнні партыі «Беларуская хрысціянская дэмакратыя» ў Гомельскай вобласці Павел Наздра, у адказе таксама ўказана, што цяпер вывучаецца магчымасць перапрафілявання комплексу пад гісторыка‑культурны аб’ект.
«Мы прасілі аб перадачы кляштарнага комплексу вернікам рымска‑каталіцкай канфесіі. У адказе камітэта архітэктуры аб гэтым нічога не гаворыцца. Але спадзяемся, што хоць гасцініцу з саунай і казіно там будаваць не будуць. Значыць, пэўных мэтаў сваім зваротам мы дамагліся», — заявіў П.Наздра.
Алена Германовіч, БелаПАН.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары