U Miensku prypynienyja prajektna‑vyšukalnyja raboty pa pieraabstalavańni byłoha klaštara bernardzincaŭ u haściničny kompleks.
U Minsku prypynieny prajektna‑vyšukalnyja raboty pa pieraabstalavańni byłoha klaštara biernardzincaŭ u haściničny kompleks. Heta vynikaje z adkazu kamiteta architektury i horadabudaŭnictva Minharvykankama na kalektyŭny zvarot hramadskich aktyvistaŭ Mazyra (Homielskaja vobłaść) ź dźviuma tysiačami podpisaŭ.
Zvarot u abaronu klaštarnaha kompleksu i kaścioła Śviatoha Jazepa na staličnaj vulicy Kiryła i Miafodzija aktyvisty nakiravali 1 žniŭnia. Adkaz byŭ atrymany 28 žniŭnia. U im havorycca, što «ciapier prypyniena vytvorčaść prajektna‑vyšukalnych rabot pa abjekcie rekanstrukcyi budynkaŭ 4, 6, 8 pa vulicy Kiryła i Miafodzija z prystasavańniem pad haścinicu i handlova‑bytavyja abjekty».
Jak paviedamiŭ BiełaPAN kaardynatar arhkamiteta pa stvareńni partyi «Biełaruskaja chryścijanskaja demakratyja» ŭ Homielskaj vobłaści Pavieł Nazdra, u adkazie taksama ŭkazana, što ciapier vyvučajecca mahčymaść pieraprafilavańnia kompleksu pad historyka‑kulturny abjekt.
«My prasili ab pieradačy klaštarnaha kompleksu viernikam rymska‑katalickaj kanfiesii. U adkazie kamiteta architektury ab hetym ničoha nie havorycca. Ale spadziajemsia, što choć haścinicu z saunaj i kazino tam budavać nie buduć. Značyć, peŭnych metaŭ svaim zvarotam my damahlisia», — zajaviŭ P.Nazdra.
Alena Hiermanovič, BiełaPAN.
Kamientary