14 лютага памёр Энгельс Дарашэвіч — доктар філасофскіх навук, прафесар кафедры этналогіі і фальклору Беларускага ўніверсітэта культуры і мастацтваў. Яму было 88 гадоў.
Энгельс Дарашэвіч нарадзіўся 26 кастрычніка 1931 года ў Мінску ў сям’і служачых. У Другую сусветную вайну маці з сынам была ў эвакуацыі, у тым ліку ў Сталінградзе, жанчына працавала ваенным медыкам. Бацька Энгельса Канстанцінавіча загінуў у 1942-м, змагаючыся ў мінскім падполлі.
Энгельс Дарашэвіч скончыў 42-ю мінскую школу (якая дала свету нобелеўскага лаўрэата Жорэса Алфёрава), БДУ. 3 1958 г. працаваў у Інстытуце філасофіі і права Акадэміі навук БССР. У 1985 г. —абараніў доктарскую дысертацыю «Філасофія эпохі Асветніцтва ў Беларусі». У 1984 г. стаў лаўрэатам Дзяржаўнай прэміі БССР за ўдзел у напісанні цыкла даследаванняў па гісторыі філасофскай і грамадска-палітычнай думкі Беларусі.
У 1990—2000-я гг. прафесар Дарашэвіч працаваў у Нацыянальнай акадэміі навук Беларусі (загадчыкам аддзела сацыялагічных даследаванняў ідэалагічных працэсаў Рэспубліканскага цэнтра сацыялагічных даследаванняў пры Інстытуце філасофіі і права, галоўным навуковым супрацоўнікам Інстытута сацыялогіі) і ў сталічных установах вышэйшай адукацыі. З 2009 г. працаваў прафесарам кафедры этналогіі і фальклору БДУКМ.
Развітанне з прафесарам Энгельсам Дарашэвічам пройдзе 17 лютага ў сценах БДУКМ (вул. Рабкораўская, 17), паведамілі «Нашай Ніве» яго калегі.
Сейчас читают
Этот молодой белорус стоял у истоков ChatGPT. Вот что он сделал1
Комментарии