30 верасня (аўторак) Кнігарня «логвінаЎ» ладзіць майстар-клас «Свая кнігарня — гэта кайф!», у часе якога слухачы даведаюцца:
— як, шмат не думаючы, выбіраць каманду аднадумцаў;
— як лічыць грошы прадпрыемства, нават калі іх няма;
— як ладзіць свята кожны дзень і не страціць праз гэта розум і здароўе;
— як навучыць стол Караткевіча лётаць і атрымаць з гэтага дывідэнты;
— як кнігарам сябраваць з усімі, у тым ліку, з «планшэтным пакаленнем».
У майстар-класе возьмуць удзел:
Ігар Логвінаў, выдавец;
Кацярынка Пікірэня, дырэктар кнігарні «логвінаЎ»;
Валянціна Кісялёва, дырэктар галерэі сучаснага мастацтва «Ў»;
Павал Касцюкевіч, арт-дырэктар Літаратурнага Дома «логвінаЎ».
Удзел у майстар-класах — задарма. Пачатак заняткаў а 14-й, заканчэнне — а 17-й.
Запіс на майстар-класы – папярэдні. Да 29 верасня на электронную пошту [email protected] трэба даслаць звесткі з пазнакай «Запіс».
Звесткі мусяць уключаць імя і прозвішча слухача, яго культурніцкі досвед, пару сказаў пра матывацыю да ўдзелу ў майстар-класе, а таксама назву горада або вёскі, дзе бы ён хацеў адкрыць кнігарню ці іншую культурную ўстанову.
Адрас правядзення майстар-класа: Кнігарня логвінаЎ (Мінск, праспект Незалежнасці 37а)
Сейчас читают
Помните Даниила из Офиса Тихановской, которому за два дня собрали деньги на онкологическую операцию? Ему написал тот самый одноклассник, который его ударил — с чего все и началось44
Комментарии