«Lapisy» kličuć biełarusaŭ u Picier
Aproč kancertu zapłanavanaja ekskursija pa biełaruskich miaścinach Sankt-Pieciarburha.
Hurt «Lapis Trubiackoj» zaprasiŭ usich svaich biełaruskich prychilnikaŭ naviedać kancerty ŭ Rasii. 10 vieraśnia muzyki pakazvajuć novuju kancertnuju prahramu «Hraj» u Sankt-Pieciarburhu, a 30 vieraśnia -- u Maskvie.
Paśla sieryi zabaronaŭ kancertaŭ u Biełarusi kamanda Siarhieja Michałka pryniała rašeńnie nie vystupać na Radzimie. U Picier ź Minsku možna pajechać pry dapamozie turahienctva «Delfin-hrup» pa źnižcy ŭ 15%.
Asnovu novaj kancertnaj prahramy «Hraj» składajuć kampazicyi z apošniaha dyska kamandy «Viasiołyja karcinki», ale pa nastroi jana kudy bolš ahresiŭnaja i ekspresiŭnaja. Zapłanavana i niekalki biełaruskamoŭnych premjeraŭ. Muzyki rychtujucca da bližejšych kancertaŭ z usioj adkaznaściu, a Michałok navat zapisaŭ varjackaje videazaprašeńnie na picierski kancert.
Paśla premjery svajho novaha klipa na pieśniu «Pryncesa»
hurt zadumaŭ jašče adzin videaprajekt — sieryjał pra hastrolnyja pryhody muzykaŭ «Hraj! Letapis anarcha-turyzmu», jaki pastupova budzie vykładacca na aficyjnym Youtube-kanale hurtu.A da ŭsiaho čakajecca premjera stužki «Zorny vors», zroblenaj muzykami z hurta «NOM», dzie Michałok syhraŭ adnu z hałoŭnych rolaŭ.
Arhanizavanuju aŭtobusnuju pajezdku na kancert «Lapisaŭ» u Pieciarburh uziałosia zrabić turahienctva «Delfin-hrup». Adjezd 9 vieraśnia, pryjezd — 11 vieraśnia.
U prahramu ŭklučanaja ahladnaja ekskursija pa horadzie, padčas jakoj možna pačuć i pra biełaruskuju historyju Sankt-Pieciarburhu, daviedacca, što i dzie rabili ŭ byłoj stalicy Rasiejskaj imperyi Adam Mickievič, Jan Barščeŭski, Janka Kupała dy mnohija inšyja znakamityja biełarusy.Kiraŭnik «Delfin-hrup» Alaksandr Duka kaža: «Dźvie važnyja zaŭvahi: pajezdka ŭ Picier na kancert „Lapisaŭ“ heta ŭ lubym vypadku viesialej, čym śviatkavańnie dnia horadu Minska, a pa-druhoje, u aŭtobusie zastałosia nie tak užo i šmat miescaŭ».
Admysłova dla biełaruskich naviednikaŭ kancertu mieniedžmient hurtu vyrašyŭ zrabić źnižku na kvitok u 15%. Košt vandroŭki ŭ Picier składaje 35 dalaraŭ + 160 tysiač rub. (prajezd + ekskursijnaje supravadžeńnie). Dadatkova apłočvajucca — kvitki na kancert (600 ras. rub.), pražyvańnie — ad 420 ras.rub. z čałavieka (chosteł abo hatel). Samy tanny varyjant za ŭsio atrymlivajecca pa vyniku la 90 dalaraŭ.
Usie padrabiaznaści ŭ turahienctvie «Delfin-hrup»: (017) 292-64-13, (029) 708-95-18, (044) 710-43-68.
Kamientary