Daradca prezidenta Litvy dapuskaje ŭviadzieńnie nacyjanalnych sankcyj suprać Biełarusi
Dejvidas Matulonis nie vyklučaje mahčymaści razhladu pytańnia ab uviadzieńni nacyjanalnych sankcyj suprać Biełarusi, kali patok mieteazondaŭ z kantrabandaj u Litvu praciahniecca. Adnak, pa jaho słovach, u pieršuju čarhu nieabchodna ŭzmacnić abmiežavańni, jakija prymianiajucca ES da Minska, paviedamlaje Delfi.lt.
Heta (nacyjanalnyja sankcyi) — pytańnie palityčnaha rašeńnia. Kali jany buduć abmiarkoŭvacca i kali ŭ nas buduć vyraznyja paramietry taho, jak heta zrabić i suprać kaho heta budzie nakiravana, to, ja dumaju, nastanie čas ab hetym pahavaryć», — zajaviŭ D. Matulonis u efiry Žinių radijas. Adnak, pa jaho słovach, u pieršuju čarhu treba iści pa šlachu ŭzmacnieńnia jeŭrapiejskich sankcyj.
|Ja dumaju, što spačatku treba vykarystoŭvać uzrovień Jeŭrasajuza. A potym, kali situacyja praciahnie abvastracca, i my ŭbačym, što ŭsio heta nie spyniajecca, treba zrabić nastupny krok, i tut treba prajavić ćviordy stryžań i rašučaść. Miatani i sproby pierakanać tut nie pracujuć. Tamu što na samoj spravie tolki žorstki, strohi padychod moža paŭpłyvać na našaha susieda», — zajaviŭ Matulonis
«Dumaju, naš ministr zamiežnych spraŭ budzie vielmi surjozna pracavać nad dalejšym uzmacnieńniem sankcyj, mahčyma, šlacham unifikacyi ich z rasijskimi sankcyjami», — padkreśliŭ jon.
Paśla taho, jak premjer-ministr Inha Ruhinienie daručyła Ministerstvu zamiežnych spraŭ skaardynavać novy pakiet sankcyj suprać Biełarusi z-za niaspynnaha patoku mieteazondaŭ, ministr zamiežnych spraŭ Litvy Kiastucis Budrys zajaviŭ, što ŭnifikacyja abmiežavalnych mier suprać Maskvy i Minska stała b adnoj ź mier u adkaz.
Na minułym tydni ŭ Litvie čatyry razy fiksavalisia mieteazondy z kantrabandaj ź Biełarusi. Supracoŭnikam pamiežnaj słužby ŭdałosia vyjavić niekalki partyj kantrabandnych cyharet, dastaŭlenych na mieteazondach ź Biełarusi. U ich pieravoziłasia niekalki tysiač pačak cyharet.
Čatyry razy zakryvaŭsia aeraport Vilni i adzin raz u Koŭnie. Viečaram u niadzielu Litva zakryła miažu ź Biełaruśsiu.
Kamientary